Шымкенттік оқушылар биыл «Күнделік» пен Halyk Bank бірлесіп жүзеге асырған «Үздік бағаларға – бонустар» бағдарламасы аясында демеушілердің арнайы қорынан жалпы көлемі 48,8 миллион теңге сыйақыны жеңіп алды.
2025-2026 оқу жылының қорытындысы бойынша мегаполисте 488 өрен үздік шығып, әрқайсысы 100 мың теңге көлеміндегі ақшалай бонусқа ие болған. Ауқымды жобаға шаһардағы 198 мектептің шәкірттері қатысып, жоғары үлгерімдерін көрсетіп отыр.
Статистика бойынша, жүлдегерлердің ең көбі 8 сыныптар арасында тіркелген – 95 оқушы. Одан кейінгі орындарда 9 сыныптар (82), 7 сыныптар (77) және 11 сыныптар (66) орналасқан.
Білім ұяларының арасында А.Пушкин атындағы №1 мектеп-гимназия, №23 мектеп-лицей, Ұлықбек атындағы №3 орта мектебі және М.Х.Дулати атындағы №8 мамандандырылған гимназия оқушылары алда келеді.
Осылайша шымкенттік жеткіншектер биыл тек білім сапасын көрсетіп қана қоймай, өздерінің үздік бағаларын қомақты табысқа айналдыра білді.
Демеуші компаниялардың өрендерді қолдауға бағытталған бұл жобасы алдағы уақытта да жалғасын таппақ.
